គណ:បញ្ជាការឯកភាពស្រុកពួក ដឹកនាំមន្ត្រីជំនាញ និងសមត្ថកិច្ចពាក់ព័ន្ធ ចុះបង្ក្រាបបទល្មើសជលផលចាប់ពីចំណុចអូរប្រតប់ ដល់មាត់ពាមស្ទឹងកំបុត ខេត្តសៀមរាប

ខេត្តសៀមរាប៖ ថ្ងៃទី០៩ ខែសីហា ឆ្នាំ២០១៩ អនុវត្តតាមបទបញ្ជារបស់ ឯកឧត្តម ទៀ សីហា អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត គណ:បញ្ជាការឯកភាពស្រុកពួកដឹកនាំដោយលោកស៊ីនចាន់ថុលអភិបាលស្ដីទីនៃគណ:អភិបាលស្រុកពួក ប៉ុស្ដិ៍នគរបាលរដ្ឋបាលឃុំកែវពណ៌ សហការជាមួយផ្នែករដ្ឋបាលជលផលក្រឡាញ់បានដឹកនាំដោយលោក សំ ផាន់ណា នាយរងទទួលបន្ទុករួមផ្នែករដ្ឋបាលជលផលក្រឡាញ់ ផ្នែករដ្ឋបាលជលផលដំដែក សង្កាត់រដ្ឋបាលជលផលស្រីស្នំ​ ផ្សារលេី ផ្នែកវារីវប្បកម្ម មន្ដ្រី នៃរដ្ឋបាលជលផល សហគមន៍នេសាទកែវពណ៌ បានចុះទប់ស្កាត់ និងបង្ក្រាបបទល្មើសជលផលចាប់ពីចំណុចអូរប្រតប់ដល់មាត់ពាមស្ទឹងកំបុត នៅក្នុងភូមិពាមតាអួរ ឃុំកែវពណ៌ ស្រុកពួក ខេត្តសៀមរាប ។

ការចុះបង្ក្រាបខាងលើ កម្លាំងជំនាញបានបំផ្លាញចោលនូវឧបករណ៍ល្មេីសច្បាប់នៅនឹងកន្លែង រួមមាន៖ ប ចំនួន០៧គ្រឿង របាំងសាច់អួនប្រវែង៥០០ម ចំរឹងចំនួន៦០០ដើម លែងត្រីចម្រុះ១០គក្រ។

កម្លាំងចូលរួមសរុចំនួន១៤នាក់ក្នុងនោះ ប្រេីប្រាសកាណូតចំនួន០២គ្រឿង។