លោក កាណុល ចិត្រា ប្រធានរតនាគារខេត្តកំពង់ឆ្នាំង អញ្ជើញដឹកនាំកិច្ចប្រជុំប្រចាំខែកក្កដា និងទិសដៅអនុវត្តបន្ត

ខេត្តកំពង់ឆ្នាំង៖ ព្រឹកថ្ងៃទី១៦ សីហា ២០១៩ លោក កាណុល ចិត្រា ប្រធាន រតនាគារខេត្តកំពង់ឆ្នាំង បានដឹកនាំកិច្ចប្រជុំប្រចាំខែកក្កដា និងទិសដៅអនុវត្តបន្ត។ ដោយមានការចូលរួមពីអនុប្រធាន ប្រធាន អនុប្រធានការិយាល័យ និងមន្ត្រីជំនាញតាមការិយាល័យចូលរួមផងដែរ។

កិច្ចប្រជុំដំណើរការ ដោយមានរបៀបវារៈដូចខាងក្រោម៖
១/ ផ្សព្វផ្សាយលទ្ធផលនៃកិច្ចប្រជុំបូកសរុបការងាររតនាគារទូទាំងប្រទេសប្រចាំកក្កដា នាថ្ងៃទី០៩ ខែសីហា ឆ្នាំ២០១៩ របស់អគ្គនាយដ្ឋានរតនាគារជាតិ។                             
២/ បូកសរុបការងារប្រចាំខែកក្កដា ឆ្នាំ២០១៩ និងលើកទិសដៅការងារសម្រាប់ខែបន្ទាប់ ឆ្នាំ២០១៩ និងពិសេសជំរុញការផ្ទៀងផ្ទាត់កិច្ចបញ្ជិកាគណនេយ្យតាមប្រព័ន្ធ FMIS ឱ្យបានត្រឹមត្រូវ និងទាន់ពេលវេលា។
៣/ ពិភាក្សា និងដោះស្រាយបញ្ហាប្រឈមផ្សេងៗ ៕