ឯកឧត្តមអភិបាលខេត្តកំពត ជូនដំណើរឧបទូតនៃស្ថានឯកអគ្គរាជទូតប្រទេសជប៉ុន ប្រចាំនៅកម្ពុជា ធ្វើដំណើរទស្សន:កិច្ចទីតាំងមួយចំនួនក្នុងខេត្ត

ខេត្តកំពត៖ នៅរសៀលថ្ងៃពុធ ៦កើត ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៤ ខែកញ្ញា ឆ្នាំ២០១៩ ឯកឧត្តម ជាវ តាយ អភិបាលនៃគណ:អភិបាលខេត្ត បានជូនដំណើរឧបទូតនៃស្ថានឯកអគ្គរាជទូតប្រទេសជប៉ុន ប្រចាំនៅកម្ពុជា ធ្វើដំណើរទស្សន:កិច្ចនៅតំបន់សេដ្ឋកិច្ចពិសេស និងកំពង់ផែអន្តរជាតិកំពត ព្រមទាំងបន្តទៅទីតាំងរោងចក្រផលិតទឹកស្អាត។

ដំណើរទស្សនៈកិច្ចនេះ ក៏មានការអញ្ចើញចូលរួមពីសំណាក់ ឯកឧត្តមអភិបាលរងខេត្ត អស់លោកមកពីមន្ទីរអង្គភាពពាក់ព័ន្ធជុំវិញខេត្ត អភិបាលក្រុង-ស្រុក ទីចាត់ការចំណុះសាលាខេត្ត ដែលសរុបប្រមាណជា៣០នាក់ ៕