រដ្ឋបាលក្រុងសែនមនោរម្យ រៀបចំវេទិកាស្តីពីការងារអត្រានុកូលដ្ឋាន និងអត្តសញ្ញាណកម្ម ដើម្បីពង្រឹងការផ្តល់សេវាសាធារណៈ

មណ្ឌលគិរី៖ នារសៀលថ្ងៃទី២៥ ខែមិថុនា ឆ្នាំ២០២៦ រដ្ឋបាលក្រុងសែនមនោរម្យ បានរៀបចំវេទិកាស្តីពីការងារអត្រានុកូលដ្ឋាន និងអត្តសញ្ញាណកម្ម ក្រោមវត្ដមាន លោក អ៊ុំ សារ៉ាន់ ប្រធានសមាគមក្រុមប្រឹក្សាថ្នាក់មូលដ្ឋាន និងលោក ហៀក សុផាន អភិបាលក្រុងសែនមនោរម្យ ក៏មានការអញ្ជើញចូលរួមពីលោក ចាយ ថៃ អនុប្រធានសមាគមក្រុមប្រឹក្សាថ្នាក់មូលដ្ឋាន ព្រមទាំង សមាជិកសមាគមក្រុមប្រឹក្សាថ្នាក់មូលដ្ឋាន សមាជិកក្រុមប្រឹក្សាឃុំ/សង្កាត់ នាយករដ្ឋបាលក្រុង មេឃុំ មន្ត្រីប៉ុស្តិ៍នគរបាលរដ្ឋបាល និងប្រជាពលរដ្ឋជាច្រើននាក់ នៅសាលប្រជុំសាលាក្រុងសែនមនោរម្យ។