កិច្ចប្រជុំផែនការ ការពារ សន្តិសុខ សណ្តាប់ធ្នាប់ សុវត្ថិ​ភាព​ ក្នុងឱកាស​កិច្ចប្រជុំរដ្ឋមន្ត្រីសុខាភិបាលអាស៊ានលេីកទី១៤​ កិច្ចប្រជុំថ្នាក់រដ្ឋមន្ត្រីជាន់ខ្ពស់អាស៊ាន​ ស្ដីពី​បញ្ហាគ្រឿងញៀនលេីកទី៤០​ និងកិច្ចប្រជុំត្រៀមទទួលបដិសណ្ឋាកិច្ចគណៈប្រតិភូជាន់ខ្ពស់វៀតណាម​ និងឡាវ

ខេត្តសៀមរាប៖ ថ្ងៃសុក្រ​ ៨រោច​ ខែស្រាពណ៍​ ឆ្នាំកុរ​ ឯកស័ក​ ព.ស២៥៦៣​ត្រូវនឹងថ្ងៃ​២៣​ ខែសីហា​ ឆ្នាំ​២០១៩​ នៅស្នងការនគរបាលខេត្តសៀមរាប លោក​ លី​ សំរិទ្ធ​ អភិបាលរង​ខេត្ត​ និងជាតំណាងដ៏ខ្ពង់ខ្ពស់​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្ត​សៀមរាប​ បានចូលរួមកិច្ចប្រជុំផែនការ​ការពារ​ សន្តិសុខ​ សណ្តាប់​ធ្នាប់​ សុវត្ថិ​ភាព​ ក្នុង​ឱកាស​កិច្ចប្រជុំរដ្ឋមន្ត្រីសុខាភិបាលអាស៊ានលេីកទី១៤​ និងកិច្ចប្រជុំពាក់ព័ន្ធ​ ក្រោមអធិបតីភាព​ ឯកឧត្តម​ នាយឧត្តមសេនីយ៍​ ទូច​ ណារ៉ុថ​ អគ្គស្នងការរង​នគរបាលជាតិ​ និងជាប្រធាននាយកដ្ឋានអង្គរក្ស​  និងមានការចូលរួមពី​ ឯកឧត្តម​ អស់លោក​ ជានគរបាលនិងអ្នកពាក់ព័ន្ធ​ជាច្រេីនទៀត។

គោលបំណង ក្នុងកិច្ចប្រជុំនាឱកាសនេះ​ គឺសំដៅរក្សាបាននូវ ផែនការ​ការពារ​ សន្តិសុខ សណ្ដាប់ធ្នាប់​ សុវត្ថិភាព ជូនគណៈប្រតិភូជាន់ខ្ពស់ជាតិ និងអន្តរជាតិ ដែលនឹងអញ្ជើញមក ចូលរួមក្នុងកិច្ចប្រជុំ​ រដ្ឋមន្ត្រីសុខាភិបាលអាស៊ានលេីកទី១៤​ និងកិច្ចប្រជុំថ្នាក់រដ្ឋមន្ត្រីជាន់ខ្ពស់អាស៊ាន​ ស្ដីពី​បញ្ហាគ្រឿងញៀនលេីកទី៤០​ កិច្ចប្រជុំត្រៀមទទួលបដិសណ្ឋាកិច្ច​គណៈប្រតិភូ​ជាន់ខ្ពស់វៀតណាម​ និងឡាវ​ និងដើម្បីពង្រឹងកងកម្លាំងមានសមត្ថកិច្ច​ បង្កើនលើការត្រួតពិនិត្យ នៅតាមបណ្តាគ្រប់គោលដៅទាំងអស់​ និងត្រូវបង្កើនការយកចិត្ត ទុកដាក់ ទទួលខុសត្រូវ ក្នុងការល្បាត ត្រួតពិនិត្យ និងប្រចាំការ ធ្វើការទំនាក់ទំនង សហការណ៍គ្នា មានវិធានការរាយការណ៍ និងធ្វើការដោះស្រាយសភាពការណ៍ ឲ្យបានទាន់ពេលវេលា ដើម្បីឲ្យដំណើការកិច្ចប្រជុំនាពេលខាងមុខ ប្រព្រឹត្តទៅបានល្អប្រសើរ និងសំរេចបាននូវជោគជ័យ ៕