ឯកឧត្តម គួច ចំរើន អភិបាលខេត្តព្រះសីហនុ អញ្ជើញជួបសំណេះសំណាល លើកទឹកចិត្តគ្រូបង្រៀន និងអ្នកមើលថែកុមារក្នុងមណ្ឌលកុមារកំព្រាក្រុងព្រះសីហនុ

ខេត្តព្រះសីហនុ៖ នៅវេលាថ្ងៃត្រង់ថ្ងៃ១៤ ខែសីហា ឆ្នាំ២០១៩នេះ  ឯកឧត្តម គួច ចំរើន អភិបាលខេត្តព្រះសីហនុ អញ្ជើញជួបសំណេះសំណាល លើកទឹកចិត្តគ្រូបង្រៀន និងអ្នកមើលថែកុមារក្នុងមណ្ឌលកុមារកំព្រាក្រុងព្រះសីហនុ។

ឯកឧត្តមអភិបាលខេត្តបានកោតសរសើរដល់គ្រូបង្រៀន និងអ្នកមើលថែកុមារកំព្រានៅក្នុងមណ្ឌលនេះ ដែលបានមើលថែកុមារ ជួយកុមារកំព្រាជាច្រើននាក់ហើយ រហូតដល់កុមារទាំងនោះធំពេញវយ័ និងបានចូលធ្វើការងារផ្សេងៗក្នុងសង្គមជាបន្តបន្ទាប់ ។

ក្នុងនោះឯកឧត្តមអភិបាលខេត្ត បានឧបត្ថម្ភថវិកាដល់គ្រូបង្រៀននិងអ្នកមើលថែកុមារទាំងអស់ក្នុងមណ្ឌលនេះម្នាក់ៗចំនួន១លានរៀល និងឧបត្ថម្ភក្មេងៗកុមារកំព្រាចំនួនជិត៣០នាក់ ម្នាក់ៗចំនួន៥មុឺនរៀលផងដែរ៕