កំពង់ឆ្នាំង៖ នាព្រឹកថ្ងៃទី២៦ ខែមីនា ឆ្នាំ២០២០ លោក ប៉ៃ រតនា សមាជិកអចិន្ត្រៃយ៍ តំណាងឯកឧត្តម ហេង ពិទូ ប្រធានសហភាពសហព័ន្ធយុវជនកម្ពុជាខេត្តកំពង់ឆ្នាំង លោក សន សំអាត ប្រធាន ស.ស.យ.ក. បានដឹកនាំ សមាជិក សមាជិកា ស.ស.យ.ក.ខេត្ត និងស្រុកកំពង់ត្រឡាច បន្តសកម្មភាពផ្សព្វផ្សាយនូវវិធានការណ៍ការពារជំងឺឆ្លងកូវីដ ១៩ ជូនដល់ប្រជាពលរដ្ឋ នៅក្នុងស្រុកកំពង់ត្រឡាច ខេត្តកំពង់ឆ្នាំង។
ក្នុងនោះក្រុមការងារ បានចុះបិទសារអប់រំ និងណែនាំវិធានការការចម្លងពីជំងឺកូវីដ១៩ ក្នុងពេលធ្វើដំណើរ របស់ក្រសួងសុខាភិបាល នៅតាមទីសាធារណៈ ដោយចាក់ឃោសនសព្ទ និងអានសារជាសម្លេងអប់រំផ្ទាល់ និងនៅតាមហាង លក់ដូរ ដើម្បីអោយបងប្អូនប្រជាពលរដ្ឋចេះធ្វើអនាម័យ និងដើម្បីរួមគ្នាបង្ការទប់ស្កាត់ការរីករាលដាលជំងឺ Covid-19 ថ្មីនេះ ៕
No comments:
Post a Comment